Մենք ստեղծում ենք սոցիալական իրողությունների վերաբերյալ բարձրորակ, հավաստի, էթիկական և համատեքստի նկատմամբ զգայուն տվյալներ՝ բարդ երևույթները վերածելով փաստերի, որոնք կարող են հզորացնել հասարակություններին, խթանել քաղաքականությունների մշակումը և խրախուսել առաջընթացը։
Մենք ամրապնդում ենք հետազոտողների, մասնագետների և հաստատությունների գիտելիքները, հմտությունները, ինքնավստահությունը և քննադատական ու վերլուծական միտքը՝ զարգացնելով տվյալներ հավաքագրելու, մեկնաբանելու և կիրառելու կարողությունը՝ հանուն սոցիալական փոփոխությունների։
Մենք կամրջում ենք տարբեր ոլորտների և սերունդների մարդկանց, հաստատություններին ու գաղափարները՝ խթանելով համագործակցային համայնքներ, որոնք կառուցված են երկխոսության, փոխվստահության, փոխադարձ ուսուցման և կոլեկտիվ պատասխանատվության վրա։
Մենք մեկտեղում ենք հետազոտությունը երևակայության հետ՝ տվյալներից վերծանելով իմաստալից ըմբռնումներ, թվերն ու պատմությունները վերածելով գաղափարների, որոնք հիմք կդառնան հանրային երկխոսության համար, կնպաստեն ավելի հիմնավոր որոշումների կայացմանը և կխորացնեն սոցիալական փոխըմբռնումը։
Հանրային կարծիքն ուսումնասիրող առաջին, ամենաերկարատև և ամենաշատ գործածվող համապետական հարցումը Հայաստանում և Հարավային Կովկասում: 2004 թվականից ի վեր՝ Կովկասյան բարոմետրի բաց տվյալներն արտացոլում են, թե ինչպես են մարդիկ մտածում, ապրում և փոխվում: Քաղաքականություն մշակողներին, հետազոտողներին և քաղաքացիներին տրամադրում ենք հուսալի, համեմատելի և արդիական տվյալներ, որոնք ստուգում են հասարակության զարկերակը:
