Միջոցառումներ
10/03/10
Կողմնորոշիչ դասընթաց "Ինչպես ծառայեցնել սոցիալական ցանցերը գիտական կարիքներին և կարիերայի զարգացմանը»
09/15/10 Կողմնորոշիչ դասընթացը հասցեագրված է հետաքրքրվածների լայն շրջանակին: Օրը` 15-ը սեպտեմբերի, 2010թ.
Ժամը` 14.30-15.30
Վայրը` ՀՌԿԿ-Հայաստան, Աբովյան 52, 3-րդ հարկ, 305 սենյակ
Լեզուն` Հայերեն Ընդհանուր ակնարկ. սոցիալական ցանցերից շատերն օգտագործվում են պատանիների կողմից` հաղորդակցվելու, նկարներ կամ մտքեր փոխանակելու նպատակով: Այնուամենայնիվ, սոցիալական ցանցերը միայն «ժամանց» չեն: Դրանք մտքեր փոխանակելու և միևնույն հետաքրքրությամբ մարդկանց հետ շփվելու արագ և էժան միջոց են նաև հետազոտողների ու գիտնականների համար: Շատ ընկերություններ օգտագործում են սոցիալական ցանցերը որակավորված մասնագետներ գտնելու համար, մինչդեռ աշխատանք փնտրողներն ինքնակենսագրականներն են հրապարակում ու կապեր հաստատում իրենց անձնական պրոֆայլների միջոցով: Սոցիալական ցանցերի թիվն աճում է, ու ավելի դժվարանում է դրանցից համապատասխանը գտնելը: Դրանք կարող են լինել ժամանակատար ու ճնշող: Հարց է առաջանում, թե ինչպես գտնել համապատասխան սոցիալական ցանց և ինչպես արդյունավետորեն օգտագործել հետազոտությունների ու կարիերայի համար: Դասընթացի նկարագրությունը.
- ինչ են սոցիալական ցանցերը,
- սոցիալական ցանցերի առավելություններն ու թերությունները,
- ինչ է Facebook.com-ը և ինչպես այն օգտագործել գիտական կարիքների համար,
- ինչ է Twitter.com-ը և ինչպես կարող են հասարակական գիտությամբ զբաղվողներն ու հետազոտողները արդյունավետորեն օգտվել դրանից,
- ինչ է Youtego.com-ը և ինչով է այն տարբերվում մյուս սոցիալական ցանցերից,
- ինչ է LinkedIn.com-ը և ինչպես օգտագործել այն կարիերայի զարգացման համար:
Ներկայացնողների համառոտ կենսագրությունը. Վերոնիկա Գրիգորյանն ավարտել է Երևանի պետական համալսարանի տնտեսագիտության ֆակուլտետը` ստանալով բակալավրի աստիճան, այնուհետև քաղաքագիտության և միջազգային հարաբերությունների մագիստրոսի կոչում է ստացել Հայաստանի ամերիկյան համալսարանում: ՀՌԿԿ-Հայաստանում աշխատում է 2010 թվականի հուլիսից որպես գրադարանավար/տեղեկատվության մասնագետ: Ռուբեն Չեբելյանն ավարտել է Երևանի պետական ճարտարագիտական համալսարանի կիբերնետիկայի ֆակուլտետը, աշխատում է ՀՌԿԿ-Հայաստանում որպես տեղեկատվական տեխնոլոգիաների մենեջեր 2010 թվականի հուլիսից:
Գրանցման կարգը. եթե ցանկանում եք մասնակցել վերոնշյալ դասընթացին, խնդրում ենք տեղեկացնել 58 13 30 կամ 58 14 50 հեռախոսահամարներով կամ crrcnews@crrc.am էլ. փոստով` նշելով Ձեր անունը:
08/27/10
08/17/10
08/09/10
07/27/10
Մամլո ասուլիս` Կոռուպցիան Հայաստանում. տնային տնտեսությունների և ձեռնարկությունների 2009թ. հետազոտության արդյունքների և զեկույցի շնորհանդես:
07/20/10 Կոռուպցիան Հայաստանում. տնային տնտեսությունների և ձեռնարկությունների 2009թ. հետազոտության արդյունքների և զեկույցի շնորհանդեսի մամլո ասուլիսը, որը կվարեն դոկտոր Հեղինե Մանասյանը և Եվգենյա Պատուրյանը, տեղի կունենա հուլիսի 20-ին, ժամը 11-ին, «Կոնգրես» հյուրանոցում:
Կոռուպցիան Հայաստանում. տնային տնտեսությունների և ձեռնարկությունների 2009թ. հետազոտության արդյունքների և զեկույցի շնորհանդես:
07/16/10 Կոռուպցիան Հայաստանում. տնային տնտեսությունների և ձեռնարկությունների 2009թ. հետազոտության արդյունքների և զեկույցի շնորհանդեսը տեղի կունենա հուլիսի 16-ին, «Կոնգրես» հյուրանոցում: Պետական պաշտոնյաներին հասցեագրված շնորհանդեսը կվարեն դոկտոր Հեղինե Մանասյանը և Եվգենյա Պատուրյանը:
Կողմնորոշիչ դասընթաց “Ինչպես գտնել հետազոտական նյութեր (լրատվության վերաբերյալ)” թեմայով
07/14/10 2010 թ. հուլիսի 14-ին ժամը 14:00-ին ՀՌԿԿ-Հայաստանի գրասենյակում (Աբովյան 52, 305 սենյակ) տեղի կունենա կողմնորոշիչ դասընթաց “Ինչպե±ս գտնել հետազոտական նյութեր (լրատվության վերաբերյալ)” թեմայով: Դասընթացը կվարի Գոհար Խաչատրյանը, որն ունի Հայաստանի Ամերիկյան Համալսարանի քաղաքագիտության և միջազգային հարաբերությունների մագիստրոսի կոչում:
Modern Economic Growth Theory: Models and Empirical Implications
07/13/10 Ժամանակակից տնտեսական աճի տեսություն. մոդելները և էմպիրիկ կիրառումները
CRRC-Հայաստանն ընդունում է դիմումներ հետազոտողների, համալսարանական աշխատակազմի, ասպիրանտների և այլ շահագրգիռ անձանց կողմից, ովքեր ունեն առնվազն տարրական գիտելիքներ ժամանակակից մակրոտնտեսագիտության և էկոնոմետրիկ մեթոդների, STATA ծրագրի վերաբերյալ, լավ տիրապետում են մաթեմատիկա առարկային և անգլերեն լեզվին, որպեսզի մասնակցեն մեթոդաբանական ուղղվածությամբ դասընթացնին` “Ժամանակակից տնտեսական աճի տեսություն. մոդելները և էմպիրիկ կիրառումները” թեմաով, որը կանցկացվի Վահագն Ջրբաշյանի կողմից:
Ամսաթիվը` հուլիս 13-23, 2010
Ժամը` 16:00-18:00
Դասընթացի տևողությունը` 20 ժամ
Գտնվելու վայրը` CRRC-Հայաստան, 3-րդ հարկ, 309 սենյակ
Լեզուն` անգլերեն, անհրաժեշտության դեպքում հայերեն բացատրություններով:
Ակնարկ.
Դասընթացն ընդգրկում է ընդլայնված թեմաներ ժամանակակից տնտեսական աճի տեսությունից: Այս թեմաները հիմնականում իրենց մեջ ներառում են ապրանքների հորիզոնական տարբերակում պարունակող հիմնական մոդելները: Տեսական հատվածում, առաջին հերթին քննարկվում են նեոդասական մոդելները: Այն հիմնականում ընդգրկում է Սոլո-Սվանի և Ռամսեյի աճի մոդելները, վերջիններս հանդիսանում են նեոդասական աճի տեսության հիմնաքարերը և պետք է, որ ծանոթ լինեն մեր լսարանին: Դասընթացն անդրադառնում է այդ մոդելների թերություններին և ճանապարհներ է առաջարկում այդ թերությունների հաղթահարման համար: Այնուհետև կանդրադառնանք մեր օրերում կիառվող աճի մոդելներին: Դասընթացի Էմպիրիկ մասը կենտրոնանում է ոչ թե քանակական վերլուծությունների, այլ էմպիրիկ առանձնահատկությունները տեսական փաստարկներից տարբերելու եղանակների վրա: Լրացուցիչ մանրամասների համար կարող եք տեղեկանալ ստորև կցված դասընթացի նկարագրությունից:  Page 1 of 7 
| 
Կենտրոնի մասին
Միջոցառումներ
