ԶԼՄ նախընտրությունների հետազոտություն

Նպատակը

Ծրագիրը նախագծվել է՝ տվյալներ հավաքագրելու «Մեդիա նախաձեռնությունների կենտրոն» ՀԿ-ի համար MICE ծրագրի շրջանակում, որի նպատակն է բարելավել մեդիա արտադրանքի որակը և աջակցել այլընտրանքային բովանդակության ստեղծմանը Հայաստանի կառավարության քաղաքականությունների և նախատեսվող բարեփոխումների վերաբերյալ, բարձրացնել քաղաքացիների և ՔՀԿ-ների գիտելիքն ու հմտությունները՝ նրանց բանիմաց մեդիասպառող դարձնելու համար, ներգրավել լրագրողներին և ակտիվ քաղաքացիներին մուլտիմեդիա այնպիսի բովանդակության արտադրության մեջ, որը խթանում է հասարակության մեջ բարեփոխումների վերաբերյալ աշխույժ քննարկումները, և լրատվամիջոցներին զինել հմտություններով՝ փաստերի վրա հիմնված լրագրողական վստահելի նյութեր և թվային պատմություններ պատմելու համար:

Գործողություններ

• Պատվիրատուի համար իրականացնել վերջնական ուսումնասիրություն՝ հավաքելով և վերլուծելով տվյալներ հասարակության իրազեկվածության մակարդակի և սոցիալական, տեղական կառավարման, թափանցիկության և հաշվետվողականության բարելավմանն ուղղված բարեփոխումների վերաբերյալ տեղեկատվության հասանելիության, ինչպես նաև ԶԼՄ-ների նկատմամբ ընդհանուր վերաբերմունքի մասին։
• Նախաատրաստել և ողջ երկրի տարածքում 1200 տնային տնտեսությունների շրջանում անցկացնել տնային տնտեսությունների (ՏՏ) հետազոտություն։
• Մշակել հարցաշար, որը կբացահայտի քաղաքացիների տեղեկացվածության մակարդակը, վերաբերմունքը, ակնկալիքները լրատվամիջոցներից, նրա դերը Հայաստանում բարեփոխումների գործընթացում քաղաքացիական ներգրավվածության ամրապնդման գործում։
• Դաշտային աշխատանք իրականացնել 1200 տնային տնտեսությունների շրջանում։
• Արխիվացնել հավաքագրված տվյալները և պատվիրատուին տրամադրել տվյալների գծապատկերներ և գրաֆիկներ։
• Պատրաստել համառոտ վերլուծական զեկույց, որն արտացոլում է հետազոտության հիմնական արդյունքները։
• Արդյունքները և վերլուծական զեկույցը ներկայացնել ՄՆԿ-ին և այլ շահագրգիռ կողմերին: