Նորություններ
«ՏՎՅԱԼՆԵՐ ԺԱՄԱՆԱԿԻ ՄԵՋ․ Հայաստան .21» խորագրով «ԱՅԼ» ցուցահանդես

 Մեր հավաքագրած տվյալներն արդեն կարող են վերածվել «ԱՅԼ» ցուցահանդեսի՝ տվյալների ցուցադրման այլընտրանքային հեղինակային տարբերակի, որը ՀՌԿԿ-Հայաստանը, Կովկասյան Բարոմետրի, մեթոդաբանական գիտաժողովների հետ միասին, միտված է դարձնել ավանդական ու պարբերական: Սա տվյալների հանրայնացման կարևոր փորձ ենք համարում՝ տարիների ընթացքում հավաքագրված տվյալների պրիզմայով Հայաստանը դիտարկելու և դրա հիման վրա հայաստանյան հասարակությունը նորովի հասկանալու հարցում:  

 ՀՌԿԿ-Հայաստանը 2003 թվականից իրականացնում է հանրային կարծիքի ուսումնասիրություններ։ Տարիներ շարունակ մենք հավաքել, պահպանել և վերլուծել ենք մեր հանրության մասին օբյեկտիվ տվյալներ, որոնք կարևոր ռեսուրս են հանդիսացել հետազոտական համայնքի, մեդիայի, հանրային և հասարակական ոլորտների համար։

 «ՏՎՅԱԼՆԵՐ ԺԱՄԱՆԱԿԻ ՄԵՋ. Հայաստան .21» խորագրով «ԱՅԼ» ցուցահանդեսը կներկայացնի հանրային կարծիքի դինամիկան 2005 թվականից սկսած՝ նշված թեմաների շուրջ․

  • Ներքին քաղաքական համապատկեր
  • Վստահություն հանրային ինստիտուների նկատմամբ
  • Արցախյան հակամարտություն
  • Հանրություն ու COVID-19 համավարակ
  • Տեղական ժողովրդավարություն
  • Մեդիայի ընկալումը Հայաստանում
  • Կոռուպցիայի ընկալումներ
  • Հասարակության արժեքային համակարգ
  • Միգրացիա։

 

 «ԱՅԼ» ցուցահանդեսի բացումը տեղի կունենա օգոստոսի 6-ին, ժամը 18:00-ին Հայկական Բարեգործական Ընդհանուր Միության (ՀԲԸՄ) Հայաստանյան Գրասենյակի դահլիճում (հասցե՝ Մելիք Ադամյան 2/2)։ Մասնակցության համար խնդրում ենք գրանցվել այստեղ։

 Ցուցադրությունը բաց կլինի նաև օգոստոսի 7-ին և 8-ին, ժամը 10:00 – 21:00։ Օգոստոսի 7-ին ցուցասրահում տեղի կունենան բլից-ներկայացումներ՝ տվյալների հետ աշխատող մասնագետների կողմից: Ներկայացումների մասին մանրամասների, ինչպես նաև բացման արարողության օրակարգին ծանոթանալու համար հետևե՛ք մեր լրահոսին: 

Օգոստոս 6, 2021
«ՏՎՅԱԼՆԵՐ ԺԱՄԱՆԱԿԻ ՄԵՋ․ Հայաստան .21» խորագրով «ԱՅԼ» ցուցահանդես

Մեր հավաքագրած տվյալներն արդեն կարող են վերածվել «ԱՅԼ» ցուցահանդեսի՝ տվյալների ցուցադրման այլընտրանքային հեղինակային տարբերակի, որը ՀՌԿԿ-Հայաստանը, Կովկասյան Բարոմետրի, մեթոդաբանական գիտաժողովների հետ միասին, միտված է դարձնել ավանդական ու պարբերական: Սա տվյալների հանրայնացման կարևոր փորձ ենք համարում՝ տարիների ընթացքում հավաքագրված տվյալների պրիզմայով Հայաստանը դիտարկելու և դրա հիման վրա հայաստանյան հասարակությունը նորովի հասկանալու հարցում:

ՀՌԿԿ-Հայաստանը 2003 թվականից իրականացնում է հանրային կարծիքի ուսումնասիրություններ։ Տարիներ շարունակ մենք հավաքել, պահպանել և վերլուծել ենք մեր հանրության մասին օբյեկտիվ տվյալներ, որոնք կարևոր ռեսուրս են հանդիսացել հետազոտական համայնքի, մեդիայի, հանրային և հասարակական ոլորտների համար։

 «ՏՎՅԱԼՆԵՐ ԺԱՄԱՆԱԿԻ ՄԵՋ. Հայաստան .21» խորագրով «ԱՅԼ» ցուցահանդեսը կներկայացնի հանրային կարծիքի դինամիկան 2005 թվականից սկսած՝ նշված թեմաների շուրջ․

  • Ներքին քաղաքական համապատկեր
  • Վստահություն հանրային ինստիտուների նկատմամբ
  • Արցախյան հակամարտություն
  • Հանրություն ու COVID-19 համավարակ
  • Տեղական ժողովրդավարություն
  • Մեդիայի ընկալումը Հայաստանում
  • Կոռուպցիայի ընկալումներ
  • Հասարակության արժեքային համակարգ
  • Միգրացիա։

 

«ԱՅԼ» ցուցահանդեսի բացումը տեղի կունենա օգոստոսի 6-ին, ժամը 18:00-ին Հայկական Բարեգործական Ընդհանուր Միության (ՀԲԸՄ) Հայաստանյան Գրասենյակի դահլիճում (հասցե՝ Մելիք Ադամյան 2/2)։ Մասնակցության համար խնդրում ենք գրանցվել այստեղ։

Ցուցադրությունը բաց կլինի նաև օգոստոսի 7-ին և 8-ին, ժամը 10:00 – 21:00։ Օգոստոսի 7-ին ցուցասրահում տեղի կունենան բլից-ներկայացումներ՝ տվյալների հետ աշխատող մասնագետների կողմից: Ներկայացումների մասին մանրամասների, ինչպես նաև բացման արարողության օրակարգին ծանոթանալու համար հետևե՛ք մեր լրահոսին:

 

 

Օգոստոս 6, 2021
ԲԱՑ ՏՎՅԱԼՆԵՐԻ ԴԱՍԸՆԹԱՑ

ՀՌԿԿ–Հայաստանը «Հայաստանում ժողովրդավարության իրականացումը բաց տվյալների միջոցով» ծրագրի շրջանակներում հայտարարում է «ԲԱՑ ՏՎՅԱԼՆԵՐԻ ԴԱՍԸՆԹԱՑ» քառօրյա դասընթացներին մասնակցելու դիմումների ընդունման մեկնարկի մասին։

Դասընթացներին կարող են մասնակցել ստորև նշված ոլորտներում/կազմակերպություններում աշխատող մասնագետները։

  • Վերլուծական կենտրոններ (Think Tanks)1 (դիմելու վերջնաժամկետ՝ 26.02.2021)
  • Քաղհասարակության կազմակերպություններ (դիմելու վերջնաժամկետ՝ 08.03.2021)
  • ԲՈՒՀ2 (դիմելու վերջնաժամկետ՝12.03.2021 )
  • Մեդիա (դիմելու վերջնաժամկետ՝ 24.03.2021) (Գյումրի)
  • Վիճակագրություն և ժողովրդագրություն (դիմելու վերջնաժամկետ՝ 26.03.2021)
  • Տեղական ինքնակառավարում (դիմելու վերջնաժամկետ՝ 05.04.2021) (Դիլիջան)
  • Կառավարություն3 (դիմելու վերջնաժամկետ՝ 15.04.2021)

Դասընթացավարներն են՝

  • Հայկազ Ֆանյանը՝ Modex ընկերության տնօրեն
  • Նարինե Ալեքսանյանը՝ ի․գ․թ․, դոցենտ, սահմանադրագետ
  • Սեդրակ Մկրտչյանը՝ տվյալների վիզուալացման փորձագետ
  • ՀՌԿԿ–Հայաստանի տվյալների հավաքագրման և վերլուծության մասնագետները

Դասընթացի թեմաներն են՝

  • Ի՞նչ են բաց տվյալները։ Ինչու՞ են կարևոր բաց տվյալները։ Բաց տվյալների կառավարումը։
  • Ինչպե՞ս մշակել բաց տվյալների ծրագիր։ Տվյալների ձեռքբերում, վերլուծություն։
  • Տեղեկատվության ազատություն։
  • Անձնական տվյալների գաղտնիություն։
  • Տվյալների վիզուալացում

Դասընթացները տեղի կունենան 2021թ մարտ և ապրիլ ամիսներին Երևանում (մեդիայի և տեղական ինքնակառավարման ոլորտի աշխատակիցների դասընթացները տեղի կունենան համապատասխանաբար Գորիսում և Դիլիջանում)։ Յուրաքանչյուր ոլորտի մասնակիցների դասընթացի տևողություն 4 օր է։ Մասնակցությունը դասընթացներին անվճար է։ Անհրաժեշտության դեպքում ՀՌԿԿ–Հայաստանը կհոգա մարզերից և Արցախից մասնակիցների ճանապարհածախսը։ Դասընթացին մասնակցելու համար լրացրեք առցանց դիմումի ձևը հետևյալ հղումով՝ https://forms.gle/KcXVtGTgjRWuZk7D6։ Դասընթացն ավարտած մասնակիցները կստանան մասնակցության վկայագիր։
Հարցերի դեպքում կարող եք գրել event@crrc.am էլ․ հասցեին կամ զանգահարել (010) 574898 (103) հեռախոսահամարին։

Ծրագրի մասին

«Հայաստանում ժողովրդավարության իրականացումը բաց տվյալների միջոցով» ծրագիրն իրականացվում է ՀՌԿԿ–Հայաստանի կողմից Շվեդիայի ֆինանսավորմամբ։ Ծրագրի նպատակն է մասնագիտական տարբեր շրջանակներում բարձրացնել տվյալների հետ աշխատանքի որակը և սերմանել բաց տվյալների մշակույթի սկզբունքները։

  1. Այդ թվում ԲՈՒՀ–երում գործող վերլուծական կենտրոնների աշխատակիցները
  2. ԲՈՒՀ–երի և ֆակուլտետների աշխատակիցներ
  3. Կառավարության ենթակայության տակ գտնվող նախարարությունների և այլ գերատեսչությունների աշխատակիցներ

 

Մարտ 5, 2021
Հարկային վարչարարություն և հարկային ընկալումներ 2021

 

  1. Հետազոտության նպատակը

Հայաստանում հարկային վարչարարության մասին գործարար համայնքի կարծիքը պարզելու նպատակով Հետազոտական ռեսուրսների կովկասյան կենտրոն (ՀՌԿԿ)-Հայաստանը, գործակցելով Համաշխարհային բանկի հետ, իրականացնում է «Հարկային վարչարարության և հարկային ընկալումների» մասին հարցում:

Հետազոտական ռեսուրսների կովկասյան կենտրոն (ՀՌԿԿ)-Հայաստանը ՀՀ Պետական եկամուտների կոմիտեի (ՊԵԿ) պատվերով իրականացնում է «Հարկային վարչարարություն և հարկային ընկալումներ» հետազոտությունը՝ նպատակ ունենալով գնահատել բիզնեսի վերաբերմունքը հարկային վարչարարության նկատմամբ: Հետազոտության շրջանակներում գործարարներից հավաքագրված տվյալների ամփոփ վերլուծության արդյունքներըը ներկայացվելու են ՀՀ Պետական եկամուտների կոմիտեին՝  նպաստելով Հայաստանում հարկային վարչարարության բարելավմանը: Այս հետազոտութունը հաջորդում է 2013, 2016, 2018 և 2020 թվականներին իրականացված համանման հետազոտությունների շարքին:

Հարցումը նախատեսված էր իրականացնել դեմ-առ-դեմ հանդիպումների միջոցով, սակայն, ելնելով կորոնավիրուսի համավարակի տարածման վտանգներից, այն տեղափոխվել է առցանց հարթակ:

  1. Ինչո՞ւ է հենց ձեր կազմակերպությունը հրավիրվում մասնակցելու հետազոտությանը:

Բիզնես համայնքի հավաքական կարծիքը հասկանալու նպատակով ներկայացուցչական ընտրանք ձևավորելու համար իրականացվել է 600 կազմակերպության և անհատ ձեռներեցի պատահական քլասթերային ընտրանք՝ հիմք ընդունելով ՀՀ ՊԵԿ-ում գրանցված հարկատուների ցանկի կառուցվածքը: ՊԵԿ-ի և ՀՌԿԿ-Հայաստանի միջև կնքվել է Տեղեկատվության չբացահայտման համաձայնագիր, որի հիմնական պահանջը ՊԵԿ-ի տրամադրած էլեկտրոնային հասցեները բացառապես այս հետազոտության նպատակներով օգտագործելն է:

  1. Ու՞մ է հասցեագրված հարցաթերթը:

Հարկային վարչարարության մասին Հայաստանի բիզնես համայնքի հնարավորինս լիարժեք կարծիքը ստանալու համար շատ ցանկալի է, որ հարցմանը պատասխանեն գործադիր տնօրենները, հիմնադիր/ներ/ը կամ հարկային վարչարարության մասին իրազեկ պաշտոնատարները: Կազմակերպությունների ընդհանրացված կարծիքը խիստ կարևոր է ՊԵԿ-ի հետ բիզնեսի անուղղակի երկխոսության համար: Հետազոտական խումբը ՊԵԿ-ին է ներկայացնելու հարցմանը մասնակցած բոլոր գործարարների պատասխանների հիման վրա կազմված ընդհանրական վերլուծությունը:

  1. Պարտադիր է արդյո՞ք Ձեր մասնակցությունը

Ձեր մասնակցությունը հարցմանը կամավոր է, թեև խիստ ցանկալի: Մինչև հարցմանը մասնակցելու որոշում կայացնելը Դուք կարող եք հարցմանը վերաբերող ցանկացած հարց ուղղել հետազոտական խմբի աշխատակիցներին: Հրաշալի է, եթե համաձայնել եք մասնակցել հետազոտությանը: Դուք կարող եք նաև յուրաքանչյուր պահի ընդհատել ձեր մասնակցությունը՝ առանց որևէ պատճառ նշելու: Ձեր մասնակցության ընդհատման պարագայում մինչ այդ Ձեր տրամադրած տվյալները չեն պահպանվի:

  1. Ինչպե՞ս մասնակցել հետազոտությանը:

Եթե համաձայն եք մասնակցել հարցմանը, պարզապես լրացրեք Ձեզ ուղարկված հարցաթերթը: Սկզբում կարդացեք հարցաթերթում Ձեզ հղված ուղերձը, և եթե հարցեր կծագեն, կապ հաստատեք հետազոտական թիմի հետ: Հարցաթերթը լրացնելը կտևի մոտ 40 րոպե, և եթե Ձեզ ավելի հարմար է, դա կարող եք անել ընդմիջումներով: Հետազոտական թիմի զրուցավարները պատրաստ են Ձեր հետ միասին անցնել հարցաթերթով՝ Ձեր համար ընթերցելով հարցերը կամ գրանցելով Ձեր պատասխանները: Ձեր և զրուցավարի խոսակցությունը չի ձայնագրվելու: Ցանկալի է, որ հարցաթերթը լրացվի առցանց՝ կամ Ձեր կողմից, կամ զրուցավարի օգնությամբ:

  1. Մասնակցության հետ կապված ռիսկեր կա՞ն:

Չկան: ՀՌԿԿ-Հայաստանը հավաստիացնում է, որ հավաքագրվող տեղեկությունները օգտագործվելու են հետազոտական նպատակներով և ներկայացվելու են միայն ընդհանրացված տեսքով՝ անանուն և գաղտնի պահելով հարցվողին: Ձեր տրամադրած տեղեկատվությունը ոչ մի կերպ չի կապվելու Ձեր կազմակերպությունը նույնականացնող կոնտակտների հետ: ՀՌԿԿ-Հայաստանը հետազոտության ավարտից անմիջապես հետո պարտավոր է ոչնչացնել ընտրված հարկ վճարողների կոնտակտային տվյալները: Հետազոտության ընթացքում Ձեր անանուն կոնտակտային տվյալները հասանելի կլինեն միայն հետազոտական թիմին:

Հետազոտական թիմը, սակայն, պատասխանատվություն չի կրում Ձեր կողմից ինքնանույնականացման, կամ Ձեր կողմից հարցմանը մասնակցելու փաստի մասին Ձեր տարածած տեղեկատվության համար:

  1. Հարցմանը մասնակցելը ինչո՞վ է շահեկան Ձեր համար:

Ձեր անկեղծ պատասխանների հիման վրա կազմված վերլուծական զեկույցը, բացահայտելով Հայաստանում բիզնեսի վերաբերմունքը հարկային վարչարարության նկատմամբ, տեղեկացված կպահի հարկային մարմիններին, և դրանով իսկ մեծապես կնպաստի հետագա բարեփոխումների իրականացմանը: Այսինքն, հարցմանը մասնակցելը անուղղակիորեն կօգնի բիզնես համայնքին և Ձեր բիզնեսին:

Գաղտնիք չէ, որ Կորոնավիրուսի համաճարակի պատճառով, բիզնեսները բախվում են զանազան հիմնախնդիրների. հարցաթերթում առկա որոշ հարցերի պատասխանելիս Դուք կարող եք դրանց մասին ահազանգել, տեղեկություններ տալ, իրազեկել:

  1. Ի՞նչպես են օգտագործվելու Ձեր տրամադրած տվյալները:

Ձեր տրամադրած տվյալների վրա հիմնված վերլուծական զեկույցը ներկայացվելու է հետազոտության պատվիրատուներին և հրապարակվելու է ՀՌԿԿ-Հայաստանի կայքէջում: Հետամուտ լինելով բաց տվյալների քաղաքականությանը, և պահպանելով գաղտնիության ու հետազոտական էթիկայի բոլոր կանոնները, հրապարակվելու են նաև հետազոտության անվանազերծված տվյալադարանը և օգտագործված հարցաթերթը:

Որպես անկախ վերլուծական կառույց, ՀՌԿԿ-Հայաստանը երաշխավորում է, որ Ձեր տրամադրած տեղեկությունները կմնան գաղտնի ու բացարձակապես անանուն: Ձեր կողմից տրամադրված կոնտակտային տվյալները չեն կապվելու այս հարցման ժամանակ արձանագրված պատասխանների հետ:

Հարկային դաշտին վերաբերող համանման հետազոտությունների (2013 և 2016, 2018 և 2020 թթ.) արդյունքներին կարող եք ծանոթանալ ինչպես ՊԵԿ, այնպես էլ ՀՌԿԿ-Հայաստանի կայքերի համապատասխան բաժիններում:

  1. Ո՞վ է ֆինանսավորում հետազոտությունը:

Հետազոտությունն իրականացվում է Համաշխարհային բանկի «Աջակցություն հարկային վարչարարության և քաղաքականության առաջնորդմանը» (STAPL) ծրագրի շրջանակներում, որին օժանդակում է Մեծ Բրիտանիայի «Լավ կառավարման հիմնադրամ»-ը:

  1. Ու՞մ հետ կապ հաստատել, եթե հարցեր կամ մտահոգություներ ունեք:

Հարցման հետ կապված ընդհանուր և տեխնիկական խնդիրների կամ հարցերի դեպքում, խնդրում ենք կապ հաստատել ՀՌԿԿ-Հայաստանի Տվյալների հավաքագրման ծրագրերի ղեկավար Էլլա Կարագուլյանի հետ՝ զանգահարելով +374 98 496 534 հեռախոսահամարով կամ հրավեր նամակում նշված այլ կոնտակտներով: Մենք հնարավորինս արագ կարձագանքենք:

 

ԱՐԴՅՈՒՆՔՆԵՐ 2019

 

Հունվար 28, 2021
Ինչպե՞ս կատարել հղումներ. մեթոդական ուղենիշներ

Այս մեթոդական աշխատանքում ներկայացված ուղենիշները միտված են լրացնելու հղում կատարելուն վերաբերող հայալեզու նյութերի սակավության բացը: Աշխատանքում ներկայացվում է հղումներ կատարելու միջազգայնորեն ընդունելի` Հարվարդի ոճը: Այս նյութի շրջանակներում առաջարկվող մեթոդական ուղենիշների հիմնական նպատակն ակադեմիական հանրության ներկայացուցիչներին, մասնավորապես ուսանողներին աղբյուրների բազմազան տիպերին հղում կատարելու համար անհրաժեշտ տեղեկատվության մասին գաղափար տալն է: Այն նաև միջազգայնորեն ընդունելի հղման ընթացակարգերին հետևելու ակադեմիական գործընթացի խթանման նպատակ ունի:

Ներբեռնեք այստեղ։

Հուլիս 10, 2020
Տարեկան հաշվետվություն 2019

Հետազոտական ռեսուրսների կովկասյան կենտրոն(ՀՌԿԿ)–Հայաստան հիմնադրամն այսուհետ իր կայքում կհրապարակի հիմնադրամի տարեկան հաշվետվության հանրային տարբերակը։ Հաշվետվությունը պարունակում է տեղեկատվություն հիմնադրամի հոգաբարձուների խորհրդի, աշխատակազմի, հաշվետու ժամանակաշրջանում իրականացված ծրագրերի և ֆինանսական ցուցանիշների մասին։ ՀՌԿԿ–Հայաստանի 2019 թվականի տարեկան հաշվետվությանը կարող եք ծանոթանալ հրապարակմանը կից կամ ներբեռնելով։
Հուլիս 2, 2020
The 6th Annual CRRC Conference

Coming together and growing apart: A decade of transformation in the South Caucasus

 

Date: June 26-27
Agenda and Abstract Book (Download)

 

Concept note:

The last decade has seen broad political, economic and social changes across the South Caucasus. In the last ten years, events including Armenia’s 2018 ‘Velvet Revolution’, the 2016 ‘Four-Day War’ in Nagorno-Karabakh, the region’s first ballot box-driven change in government in the 2012 Georgian parliamentary elections, the devaluation of the national currency in Azerbaijan, and volatility in relations between the European Union and Russia have reshaped the region. Such events have raised questions as to whether the three nations of the South Caucasus are growing increasingly apart, and if so, whether these changes reflect genuine divergence among societies or if they are simply an outcome of the interests of national elites?

The two-day virtual conference that will be held on June 26-27, 2020, seeks to answer these questions. Five thematic panels and two roundtable sessions will unpack questions posed in this year’s conference theme. The Sixth CRRC Methods Conference will feature two keynote speeches, from Professor John O’Loughlin (University of Colorado Boulder) and Professor Julie A. George (The Graduate Center, City University of New York). Furthermore, CRRC offices will celebrate the release of another wave of the Caucasus Barometer survey.

The CRRC offices are committed to promoting innovative research methods and creating a platform for social science professionals to exchange ideas. The COVID-19 pandemic has fundamentally altered how research organizations conduct fieldwork operations. Therefore, this year’s methodological roundtables will discuss the challenges and potential solutions to problems researchers face in the South Caucasus and broader Eurasian region.

Due to the COVID-19 pandemic, all scheduled events will take place virtually. Panel presentations, roundtables, and keynote speeches will be broadcasted via CRRCs’ Facebook and Youtube pages. Audience members will be able to pose questions to presenters via feedback forms. Those who wish to participate in discussions must RSVP via this form. Detailed information about the conference program and an abstract book are included in the attached document.

 

About CRRC

The Caucasus Research Resource Centers (CRRC) is a network of research and research support centers in the capital cities of Armenia, Azerbaijan and Georgia. Established in 2003, CRRC’s goal is to strengthen social science research and public policy analysis in the South Caucasus. Over the past seventeen years, CRRC offices have become a nexus of activity for the social science community in the South Caucasus by providing open access to data, scholarly literature, and professional training for social science researchers. For more information about CRRC and the upcoming conference, please visit the respective country websites at crrc.am crrc.az and crrc.ge.

About Caucasus Barometer

The Caucasus Barometer is a bi-annual nationwide household survey conducted by CRRC offices in the South Caucasus. Since 2004, CRRC has interviewed around 45,000 residents of Armenia, Azerbaijan, and Georgia on socio-economic issues, values, beliefs, and political attitudes. Since 2015, Caucasus Barometer has been administered in Armenia and Georgia only. To find more about the survey and access the dataset, please visit caucasusbarometer.org.

Հունիս 26, 2020
COVID19 առցանց հարցում

Կորոնավիրուսի վերաբերյալ իրազեկվածության և դրա ազդեցության գնահատում

 

Նպատակ

Հետազոտական ռեսուրսների կովկասյան կենտրոն(ՀՌԿԿ)-Հայաստան հիմնադրամը, ցանկանալով աջակցել նոր տիպի կորոնավիրուսի տարածման կանխարգելիչ գործողությունների արդյունավետությանը, իրականացրել է առցանց հարցում՝ բացահայտելու հանրության շրջանում կորոնավիրուսի վերաբերյալ իրազեկվածությունը և իրականացվող կանխարգելիչ գործողությունների գնահատականը։

Հետազոտությունը իրականացվել է ՀՀ–ում հայտարարված արտակարգ դրության ընթացքում՝ փոխվարչապետ Տիգրան Ավինյանի գրասենյակի գիտությամբ և աջակցությամբ։ Պահպանվել է արտակարգ դրության ընթացքում պարետատան հրապարակած սահմանափակումների կատարումը։

 

Օգտակար հղումներ

ՀՀ ԱՆ հիվանդությունների վերահսկման և կանխարգելման ազգային կենտրոն
ՀՀ ԱՆ պաշտոնական կայք
ՀՀ պարետ, փոխվարչապետ Տիգրան Ավինյանի պաշտոնական ֆեյսբուքյան էջ

Արդյունքներ

 

Մարտ 29, 2020
Տվյալների վիզուալացման դասընթաց

Համառոտ ակնարկ

Հետազոտական ռեսուրսների կովկասյան կենտրոն (ՀՌԿԿ)-Հայաստան հիմնադրամը մեկնարկում է «ReDriM» (անգլ․՝ «Research-Driven Media») տվյալների վիզուալացման ծրագիրը՝ լրագրողների և հաղորդակցության մասնագետների համար։

Մենք հավատում ենք, որ մեդիա և հետազոտական ոլորտների արդյունավետ համագործակցությունը կարող է լրջորեն նպաստել Հայաստանում ժողովրդավարացման գործընթացներին։ Այս նպատակով «ReDriM» ծրագիրը կմիավորի լրագրողներին և հաղորդակցության մասնագետներին հետազոտական տվյալների օգտագործման, վերլուծության և շրջանառման շուրջ։ Այսպես, ծրագիրը նաև հասանելի կդարձնի սոցիալական, տնտեսական և քաղաքական գործընթացներին վերաբերող հետազոտական տվյալները հանրության համար։ 

Հրավիրում ենք Հայաստանի և Արցախի լրագրողներին և հաղորդակցության մասնագետներին՝ մասնակցելու հետազոտական  տվյալների վիզուալացման 4-օրյա ինտենսիվ դասընթացի։ 

Ով կարող է մասնակցել

Դասընթացին կարող են մասնակցել․

  1. լրագրողները,
  2. ՔՀԿ ոլորտի հաղորդակցության մասնագետները,
  3. հետազոտական տվյալների կիրառմամբ հանրօգուտ գործունեություն ծավալող  կազմակերպությունների ներկայացուցիչները կամ անհատները։

Ինչ կտա դասընթացը

Չորսօրյա այս դասընթացը համադրելու է տվյալների վիզուալացման տեսական գիտելիքները և պրակտիկ հմտությունները։ Դասընթացի արդյունքում մասնակիցները կձևավորեն․

  1. հետազոտական տվյալների վերլուծության նախնական հմտություններ,
  2. բաց տվյալների շտեմարաններից, այդ թվում՝ «Կովկասյան բարոմետր» հետազոտության արդյունքներից օգտվելու կարողություն,
  3. տվյալների ստատիկ վիզուալացման հմտություններ,
  4. տվյալների անիմացիոն վիզուալացման հմտություններ,
  5. հետազոտական տվյալների հիման վրա հրապարակման ենթակա նյութեր պատրաստելու կարողություն։

Դասընթացը կվարեն ՀՌԿԿ-Հայաստանի հետազոտական թիմի անդամները, ինչպես նաև Մեդիա նախաձեռնությունների կենտրոնի աշխատակիցներ Գեղամ Վարդանյանը (Media.am կայքի գլխավոր խմբագիր) և Նատալի Հարությունյանը (Արտադրության բաժնի ղեկավար, գրաֆիկ դիզայներ)։
Մասնակիցների պրակտիկ առաջադրանքների արդյունքները հրապարակվելու են www.crrc.am կայքում և ներկայացվելու են 2020 թ․ մայիս ամսին նախատեսվող հանրային միջոցառման ժամանակ։

Դասընթացը հաջողությամբ հաղթահարած մասնակիցներին տրվելու են հավաստագրեր։

ՀՀ մարզերից և Արցախից ժամանող մասնակիցների ճանապարհի և կացության ծախսերը կհոգա ՀՌԿԿ-Հայաստան հիմնադրամը։

Ինչպես մասնակցել

Մասնակցության համար անհրաժեշտ է․ 

  • լրացնել ծրագրի առցանց հայտադիմումը,
  • Ձեր ինքնակենսագրականը (CV) և պորտֆոլիոն (առկայության դեպքում) ուղարկել event@crrc.am էլ․ փոստի հասցեին՝ վերնագրի դաշտում նշելով ReDriM:

Հայտագրվելու վերջնաժամկետը մարտի 15-ն է։

Դասընթացը տեղի կունենա Երևանում։ Հարցերի և մանրամասների համար կարող եք դիմել ծրագրի համակարգող Հայկ Սմբատյանին՝ hayk@crrc.am էլ․ հասցեով:

 

«ReDriM» ծրագիրն իրականացվում է «Ժողովրդավարության ազգային հիմնադրամի» (National Endowment for Democracy) ֆինանսական աջակցությամբ, «Հետազոտական ռեսուրսների կովկասյան կենտրոն-Հայաստան» հիմնադրամի կողմից:

Ապրիլ 23, 2020
ավելին