Մարդիկ
Մեր թիմը
Սոնա Բալասանյանը ՀՌԿԿ-Հայաստանի անձնակազմին միացել է 2016թ. օգոստոսին: Սոցիոլոգիայի մագիստրոսի (2009թ.) և սոցիոլոգիական գիտությունների թեկնածուի (2012թ.) աստիճանները ստացել է Երևանի պետական համալսարանից (ԵՊՀ): Կրթության (հետազոտության նախագծում և մեթոդաբանություն) գծով մագիստրոսի երկրորդ աստիճանն ստացել է 2015թ.՝ Օքսֆորդի (Անգլիա) համալսարանից: Անգլիայում անցել է պրակտիկա Օքսֆորդի ուսուցանման ինստիտուտում: 2010 թ.-ից աշխատել է ԵՊՀ սոցիոլոգիայի ֆակուլտետում՝ դասավանդելով մի շարք առարկաներ (այդ թվում՝ մեդիա տեքստերի վերլուծություն, գնահատող հետազոտությունների մեթոդաբանություն և խառը մեթոդներով հետազոտություն): Նա ընդգրկված է եղել ազգային և միջազգային կազմակերպությունների, այդ թվում՝ ԱՄՆ պետդեպարտամենտի, ՄԱԶԾ-ի, ՀՌԿԿ-Հայաստանի, Բաց հասարակության հիմնադրամի, Գիտության պետական կոմիտեի և Հին ձեռագրերի գիտահետազոտական ինստիտուտի (Մատենադարան) ծրագրերում: Սոնան եղել է Հայնրիխ Բյոլ հիմնադրամի կրթաթոշակառու, Հայկական բարեգործական ընդհանուր միության (ՀԲԸՄ) ուսանող, Լույս հիմնադրամի շրջանավարտ է: Նա հեղինակել է երեք գիրք (հայերենով), հոդվածներ, ակնարկներ և վերլուծական զեկույցներ:
Հեղինե Մանասյան
Պատվավոր տնօրենՀեղինե Մանասյանն ունի տնտեսագիտության դոկտորի աստիճան և դասավանդման, հանրային հետազոտությունների ու քաղաքականության վերլուծության մեծ փորձ: Նրա փորձագիտական հիմնական ոլորտներն են` տնտեսական աճը և զարգացումը, անցումային տնտեսությունը, աշխատանքի շուկան, աղքատությունը և կրթությունը, սեփականաշնորհումը, ստվերային տնտեսությունը, կոռուպցիան և այլն: Նա հարյուրից ավելի հրատարակությունների և հոդվածների հեղինակ է: Մինչև ՀՌԿԿ-Հայաստանում իր աշխատանքն սկսելը դոկտոր Մանասյանը գործուն մասնակցություն է ունեցել միջազգային կազմակերպությունների (UNDP, WB, TACIS) ֆինանսավորմամբ ՀՀ-ում իրականացվող՝ Հայաստանում տնտեսագիտական հետազոտությունների և կրթության բարձր որակի ապահովմանն ուղղված ծրագրերին: Մանասյանը սովորել է Երևանի պետական համալսարանում, Կառավարման պետական ակադեմիայում (Մոսկվա), Կենտրոնական Եվրոպայի համալսարանում (Բուդապեշտ) և Կոլումբիայի համալսարանում (Նյու Յորք):
Ինքնակենսագրություն